|
Veer Harry 111
biej grasie van D'n Uul en waalwillendheid van Vors Lowie, eerste
Prins van Groot-Remunj, aan alle Uulkes Ule en anger Raregekke.
Saluut !
Veer doon te weite, det veer veur deze Sjrikkeljaor-Vastelaovend 1960,
nao riep euverligk mit oze nuuje mer al heel wieze Raod van X1 en
ónger goodkeuring van oze hooggeëerde Vors Lowie, toet de volgende
besjloete zeen gekómme:
det 't oze oetdrökkelikke wins is, det noe oos geleef Remunj zo gelökkig
is gewaes Groot-Remunj te zeen gewaore, de Vastelaovend dit jaor nog
groter en mit väöl meer gedoons gevierd zal waere es angers:
det Veer verwachte det Geer geleefde óngerdane, in dit sjrikkeljaor sjrikkelik
Eur bčs zólt doon veur eine sjone en plezerige Vastelaovend:
det veer verwachte en wille, det Geer ónger de ganse doer van Oos Regering,
dus van zaoterdaag toet en dinsdaagaovend, ónaafgebraoke op de kies
zólt houwe, moele make, sjael laege verkoupe, wazele, blieve plekke, Uch
begaaje aan zinge en sjpringe en al Eur hieppeteke en belastinge en anger
dóm teun zólt vergaete en det Geer zoväöl zólt lache en doon lache, det 't
toet veurbiej Meneerkes, Hateboer, Gebrook, Mögkebrook, de Weerd en
Voel Baemje te heure is.
det ederein, mer dan ouch waal heel zeker ederein, perzent zal zeen biej
alle feeste wie biej optochte, (grote en dae van de kienjer), Bakkes-verdrinke
en gaot mer wiejer:
det Geer op zich, Remunjse Vastelaovend zólt viere, dus op ein grandioos
en nette meneer, oos geleef sjtad waerdig:
Al dees besjloete zeen veur Uch heel gemekkelik nao te kómme es Geer
mien liefsjpreuk mit Eure kop ónthaajt en mit Eur hert in toepassing bringk:
Heel zeker !!! jao jao mer ja...
Gegaeve in 't Uulepelies in 't jaor 179 x 11 - 9
|
